sikla rogno wngkha chini hakotorni thingnani chati. Borogno phainai salo hakotorno bwskango twlangna bagwi samung khwlainai. Aboni bagwino hakotorni sikla rogno kha thangsarioi tonina bagwi hasteni sikla thwng tang bedek tei neheru yoba kendra ni kwthajak luajimung bai swrang salo agratala ni Nazrul kala khettra hall oh sikla rogno twiwi kaisa panda songsajak kha. ah salni pandano chengsai rikha hasteni montri okra Dr. Manik Saha, sikla thwng tang bedekni montri Tinku roy , tang bedekni secretary Dr. Pradip Kumar chakrabartty no khobwi tang bedekni kubuni kuchuk beremni ojama rog. pandao kok narwkna thangwi montri okra sakha, dophao baksa borog rog rang kwbang ajina bagwi hamya chaya raida twi khwlaiwi drugs rog phalwi tongo . ah drugs baino tabok chini dophani sikla rog twrwk twrwk khe kubuljakgwi tongo. rwng nogo swrwngwi tongnai kwbangma cherai bwsa rog drugs naharma bagwi tabok sikla rog rwng swrwng mungni bwkhakgo aswk bwkha riya. Haikheno drugs hai hamya manwi chini dophano mwnagni bwkhakgo twlangwi tongkha. Omo hai halok no kaham khwlaina bagwi hukumu rwkjak samung bwtang rogni bisingtwino sikla dophano mwthangna bagwi ma chaituknai hinwi sakha montri okra Dr. Manik saha .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
