Kwrak salni phungo Santirbazar bwkhaste bai khobjak Shilpara amchaini kaisa rubber bagan o khorok sa borok ni khachijak mangkwthwi mankha. Tangsalni sarigo nogni ongkhorwi thangkha Jibondhan Shil. Horo nogo kiphilliya bo, kwrak salni phungo amchaini khorok sa borok rubber rana thangwi Jibondhan Shil ni khachijak mangkwthwi nogwi logi logi no Manpathar thanao koktwma horkha bo. Aboni yagulo patimung thaio thangwi Jibondhan Shil ni mangkwthwi no Santirbazar hangkhor sakham nogo post-mortem khwlaina bagwi horkha Manpathar thanani police. Tamoni bagwi thwikha abono twiwi naicherwi tongo police. Post-mortem khwlaimani yagulo Jibondhan Shil ni mangkwthwi no borok ni nukhungni borok ni yago yapharwi rijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
