Kirima sinsa khe nog khamwi thapla chakha tongthai nog. Abohai no patimung patikha Fatikroy amchaini Deb kamio. Koktwmao saimankha, Swrang salni phungo Nog bugra Ratan Deb ni bihik cha- muthungna bagwi ganti nogo thango. Gas mwchungwi cha-muthungmani jorao gas ni hor cylinder o thangmani bagwi swrap sani bisingo no nogni joto manwi khwnwi khamwi thapla chakha. Hor bwtharnai ni kaisa engine tei amchaini lukorog ni chubachu bai paithago hor bwtharwi mankha, phiyabha asini ah nogni joto manwi khwnwi rok khamwi thapla chakha. Patimungni koktwma manwi patimung thaio thangwi sagwikha Lefunga thanani police. O patimungo nogni kaisa scooty malkhung, TV, freeze, twi ni pipe no khobui nogni joto kath-ni manwi rok bo khamwi thapla chakha. Aboni logi nogni rangchak-risa rok bo khamwi thapla chakha hinwi sakha nukhungni borok rok. Asalni hor nangmani yagulo amchaini naimwthang bodol ni phasing bo yasi surkha borok. Borok sakha, amchaini lama rok belai hamya wngmani bagwi, hor nangmani koktwma manmani yagulo bo patimung thaio sagwinani belai no jora nangkha hor bwtharnai brindhiya ni kaisa engine. Aboni bagwi no asini nogni joto manwi khwnwi khamwi thapla chakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
