Sathai khwlai o, haste ni kai nwi bidhansabha kendra ni by-election ni bwthai saklai jak mani ulni simi no vote lekhamwng no twiwi boycott khwlai phai mani Tripura ni CPIM bodol.borok ni sanlai mwng je thai rogo vote rwthini vote khok jak kha,ah chongmari rogo bwthai lekhamwng khwlawi tamo ung nai hwnui sanlai mwng bo khwlai kha yaksi bodol.abo ni bagwi no boxanagar tei dhanpur kendra o by-election ni vote lekhamwng boycott khwlai nani gosimwng nakha,phiya ba tabuk loku rok ni kha bising o swng mwng,hwnkhe kai dok haste ni kai sini thai rogo by-election o CPIM ni batai nai rok kebo kwplai ungliya,ah thai rok ni simi tangwi mechenrwi rwkha CPIM bodol no.Keral ni Puthuppally bidhansabha ni by-election o bo mechenrwi rwkha CPIM ni batainai no. hwnkhe tamo sanai ah chongmari rogo CPIM no twiwi.abo simi ya, jharkhand ni dumri, Keral ni Puthuppally,uttarpradesh ni ghosi,bageshwar bidhansabha by-election o bo bwthai rok phologwi rwkha pha salo.mwng sa thai rogo phano kwplai ung mani nukjak liya CPIM no.sathai khwlawi o lai thanai bidhansabha chongmari o dhanpur o kwplai ung mani BJP bodol tei boxanagar o kwplai ungmani CPIM.BJP ni ojama jwk eba kendriya montri Pratima bhowmik vote o kwplai ungwi MLA thai yakar rwmani.bo yakar mani thaio no ungkha by-election.tei boxanagar o khe CPIM ni MLA Shamshul haque ni langma chomani bai kai nwi bidhansabha o by-election ung kha.kwplai ung mani thai phano by-election o romwi tonwi manliya CPIM. phiya ba ah kendra o 2023 bisi ni bidhansabha chongmari o CPIM no mechenrwoi kwplai ungkha BJP bodol.kwchak rok ni thai hwnui sini mwng tongmani boxangar,phiya ba ah thai o no kotor khe kwplai ungkha BJP bodol.sal burum burum no CPIM yakarwi BJP bai gwdal tong kha haste ni tong kosong loku rok.abo ni ulo phano CPIM ni ojama song sak sak torjago.haste ni administration ni simi romwi chongmari commission phano saklaikha,kaham khe no tong kwchang habar bai vote ungkha dhanpur tei boxanagar ni by-election.phiya ba vote o mechenwi no rigging khwlaikha hwnui kok silsakha CPIM ni MLA eba haste tangphang jitendra chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
