Thanai 5 september o haste ni Dhanpur tei Boxonagar kendra o by-election wngkha. 8 september eba phasalo, oh kainwi kendra o vote lekhajakha. Dhanpur bidhansabha kendra ni by-election o hai no hai BJP bodol kwplai wngkha. Dhanpur kendra ni by-election o CPIM ni sai 18,625 vote kwbang manwi kwplai wngkha BJP ni wngwi batainai Bindhu Debnath. Asalni vote lekhamungni yagulo BJP ni batainai Bindhu Debnath sakha, Tini ni o kwplai, abo ani kwplaiya, abo chini sipai rok ni kwplai se. Sipai rok ni saktharwi samung khwlaimani tei bjp bodol no lukorog puito khwlaimani bagwi se oh kwplai. Asalo CPIM no yasi surwi Bindhu Debnath sakha, AC nogo achugwi cpim bodol kokthum panda khwlaiwi sao je, Election farce wngkha hinwi. Tamoni hnk cpim bodol rok puila no sai mano je, chongmario borok kwplai wngya hinwi. Borok ni sipai rokno, borok no yakarwi BJP bodol o hapkha. CPIM ni sipai rok ni aswk no biyal wngkha je, chongmarini kokpirna bagwi phatar ni borok rok no samungo thepana nangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
