Moklaijak 10323 rwng phwrwngnai phwrwngnaijwk sng, 10323 rwng phwrwngnai phwrwngnaijwk sngni sebok kiphilwi mannani Retrenchment case no dismissed khwlaiwi rikha Tripura High-court. 10323 no sebok seplemani supreme court ni dagimungo mungsa sep naharna gosiliya Tripura High-court. Court-ni nangkukmani jora nosta khwlaimani bagwi applicantion khwlainai rok no jorimana rina bagwi koikha Court. Rwng phwrwngnai phwrwngnaijwk sngni bwkhak twi case o chuba khwlainai lawyer Amritlal Saha ni application no dismissed khwlaiwi 25 thousand jorimana khwlaikha. 2014 bisi o Tripura high-court ni rai no rwgwi no 10323 phwrwngnai phwrwngnaijwk sngni sebok seplejakha. Ah rai rimano kebengwi no Supreme court o case khwlaikha sebok seplejak phwrwngnai phwrwngnaijwk sng. Sebok seplejakmani notice manya hinwi kaisa ni yagulo kaisa case khwlaikha sebok keplejak phwrwngnai Pranab Deb. Aboni yagulo bini case khwlaimano twiwi kaisa full bench bodol swnamnani dagikha Supreme court. Kwrak salo Tripura high-court ni Chief Justice AK Singh, Justice T Amarnath Gaur, Justice Arindam Lodh ni twidulmung bai kwrak salo Retrenchment case no dismissed khwlaiwi rikha Full Bench. Aswk sal court o phwrwngnai rok ni lawyer Amritalal Saha no kebengwi tongmani advocate general Sidhartha Sankar Dey.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
