Ganao phai tongkha Madhya pradeshni bidhansabha chongmari. Vote awaina bagwi tabok nokhorjak montri bokhorok modi sak baithangno. Bhopal oh bodolni bagwi vote awai khwna thangwi congress bodolno jai jai ke kol kha montri bokhorok modi. kokthai kwrak baino salo congress bodolno kol kha montri bokhorok. montri bokhorok sakha , je je hasteo tabok congress bodolni haphang tongo ah hasterogo mungsa phano kaham samung wngya wngwi tongkha. Tang salo Bhopal oh bjp bodolni Karjakarta mahakumb oh kok narwkna thangwi montri bokhorok sakha , 30 years eba bisi tham chi romwino Madhya Pradesh oh haphang naikulwi phaiwi tongo BJP haphang. Congress ni haphang tongmani jorao je hamya sal nuk kha aroni lukurog , tabok amo joto laibuma simino wngwi tongsio. Yoksamani yagulo bisi kwdwkma comgress bodol Madhya Pradesh oh haphang naikulwi tongkha. Ah jora rogono hamya swnamwi rikha congress rog Madhya Pradesh no phiya ba tabok hinkhe bjp bodolni haphang teisa haino hai kaham khwlaiwi rikha Madhya pradeshno. Congress bodolno kebengwi montri bokhorok tei bo sakha , bisi bachi eba 50 years congress bodol kaisano slogan twiwi haphango tongkha , amo wngkha ‘ garib hattao’’ slogan. 13.5 crore lukurogni langmano haino hai kaham thinangni bwkhakgo twlangwi tongkha tabok bjp bodol. Cogress bodol rog je je hasteo haphang wngwi naikul kha ah hasteo hamya swnamnwi rikha borog. hakotorno gorib swnamwi rimani congress bodol rog. tabok kaham wansogmung twiwi chaitukmung khwlaimani bisingtwi tabok hakororno rangni bwkhaktwi kwrak khwlaiwi tisa kha bjp bodol. Tang salo kok narwkna thangwi omo hai rogno sakha montri bokhorok modi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
