osa mwtaini jorao agulio traffic jam ni yak kakna bagwi post office chowmohani tei kaman chowmohani joratwi kai nwi bwkhaktwi lamano no parking zone hinwi saklai rikha Agartala pura nigam. Tei bottala ni shiv mandirni simi doshami ghat jorao no parking zone hinwi saklaijak kha. tang salo kuchuk beremni officers rogbai koklam khwlaimani yagulo omo haino yapri nahar kha Agartala pura nigamni mayor Dipak Majumdar. Osa mwtaini jorao traffic jam ni yak kakna bagwi tang salo kaisa nangkukmani koklam panda khwlai kha mayor Dipak Majumdar. Hasteni kuchuk beremni naimwthang bodol tei traffic police ni adong rogbo manjak kha ah salni koklam pandao. Agartala no naithok khwlaina bagwi sal hor sak tharwi chaitukgwi tongo Agartala pura nigam. Dulini kwbangma thaino beraiwi naikulwi tongo mayor Dipak Majumdar. Ah salo koklam panda paima yagulo kokthum thumnai rogbai kok sama jorao mayor sai khwna rikha , osa mwtaini jorao raida chayatwino lama gana rogo thai naoi bania khwlaiwi tongo baksa boksa bania khwnai rog. aboni bagwi belaino jwngjalo kwlaina nango thanglaisu khwlainai tongkosong lukurog. Osa mwtaini swkang Agartala ni logi hasteni joto thaiono kwrak naikulmung khwlaina bagwi dagimung rikha montri okra DR. Manik Saha. ah dagimungno gosioi naharwino phainai sal rogo raida chayatwi osa mwtaini jorao phal nog swnamjakma rogno norsajaknai hinwi sakha mayor Dipak Majumdar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
