Sak kaham tongkhe, hai no swrwngwi mano. Aboni logi Kaham hoda bo ma swnamlainai. Aboni bagwi no cherai ni simi thwngmung bedek bai kwrwngwi tongna nangu. Kaham khe thwngmwng bedek bai kwrwngwi tongkhe chini sak kaham wngwi tongnai. Aboni bagwi no sustho saishab, sustho kishore’ni naimolkung songchajakha haste ni montri okra Dr.Manik Saha ni naikolmung bai. Boxonagar amchaini Sub-health Centre no khobui private tei primary health center rago nangkukmani sebok rok no tichokjakha. Hoda ni joto lukorogni chubachu bai no haste ni sakham bedek teibu kwchugo kawi tongo. Kwrak salo Sepahijala hangkhor rwk ‘ mukkhomontri sustho saishab, sustho kishore’ ni naikolmung panda o manjagwi abohai no sakha Boxonagar bidhansabha kendra ni chongjak kwtal MLA Tafazzal Hossain. Sepahijala hangkhor sakham tei nukhung hamkrai bedekni luajimung bai asalo community hall o ‘mukkhomontri sustho saishab, sustho kishore’ ni naikolmung panda songchajakha. Cherai tei sikla no khobui joto bedekni lukorog no sak kaham kwrak khwlaiwi tisana bagwi no abohai yapri naharkha montri okra. Asalni panda o manjakha Boxonagar bidhansabha kendra ni chongjak kwtal MLA Tafazzal Hossain, Sepahijala hangkhor ni dagiphang Supriya Das Datta, hangkhor sakham bedekni officer Debasish Das, hangkhor rwng bedekni officer Moloi Bhowmik, bwkhaste achukphang Manik Lal Das tei Boxonagar panchayat samitini chairman Sanjoy Sarkar. Chati mwchungwi asalni panda no chengsawi rikha Sepahijala hangkhor ni dagiphang Supriya Das Datta. Asalni panda o kok narukna thangwi kwtal MLA Tafazzal Hossain sakha, haste haphang tei kendra haphang ni joto sakham bedekni chengsajakmani projects rok aborok no mwkthang khwlaijaknai. Aboni bagwi sakham bedekni joto sebok rok ni khao samung khwlainani tei lukorog no seba khwlainani wansukmung tongna nangnai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
