Santiniketan medical college no twi pha salo bidhan sabha o haihola unglai kha, bidhan sabha o puila ni simi no MLA Sudip roy barman dal bidal kok no twi swng mwng khwlaikha hapang no naikolnai rok ni thani,abo hai khe no swng mwng khwlai mani nuk jak kha kebeng nai bodol ni adong Jitendra chowdhury bo. kebeng nai bodol ni naikol nai rok ni swng mwng o kok phirog thani montri okra Dr.Manik saha bidhan sabha o saklai kha, national medical commission 2023 bisi o hakotor o kwtal medical raida rwkha. ah raida ni kahai khe no hapang khorok sa borok, motha eba samiti bai agreement bai sarkari sakham nok no teaching hospital ni kahai use khwlai nani gosimwng rwoi mano, montri okra teib sakha, hakotor o 157 kwtal medical college songsa nani bagwi gosi mwng rwkha bharat hapang. abo ni bising o dal bidal haste hapang kwbangma sarkari sakham nok agreement bai teaching hospital ni mwngui use khwlai nani gosi mwng rwkha hwnui sakha montri okra Dr.Manik saha. montri okra ni ah kok phirog mani o mwng sa bo buji maliya congress ni MLA sudip roy barman,bo ah pati mwng no twi kaisa thansa ungwi committee swnam nani bagwi sanmwng khwlai kha, MLA sudip roy barman teibo sakha,ah committee no pati mwng no twi naicherwi naithung. abo hai khe no sanmwmg khwlai kha kebeng nai bodol ni adong Jitendra chowdhury, pati mwng no twi tei congress ni MLA sudip roy barman,speaker ni thani swng mwng khwlai khe,mwng sa bo ah kokno twi samani nukjak liya speaker no. abo hai jora o congress tei CPIM bodol ni MLA song thansa ungwi kebeng mwng khwlai kha tei bidhan sabha ni simi walk-out khwlai mani nuk jakha.
