Sal kisa swkang haste oh belai watwi phaima bai haste rwgwi twi lomsakha. Abohai watwi wamung thanai 40 years ramwi kebo nukyakhu. Twi lomsamani bagwi haste ni joto hangkhor no khoti wngkha. Khoti wngmano cherwi nainani bagwi kendra haphang ni kaisa bodol haste oh sokphaikha. Kendra haphang ni phainai bodol rok kainwi bodol oh bakjagwi haste ni khoti wngjak amchai rokno goriwi naiwikha borok. Phasalo kaisa bodol Gomati hangkhor ni simi Khowai oh thangkha. Asalni bodol oh tongo kendra ni officer Ramesh Kumar, PK Meena tei Shashank Bhushan. Asalo borokni logi tongkha Khowai hangkhor naikolnai Chadni Chandran. Ah bodol rok Khowai n i Jamira amchai, Chabri, Khowai ni twima amchai, Ghilatali ghat, salthang Durgapur amchai goriwi naimani yagulo kendra ni officer Ramesh Kumar sakha, Twi lomsama oh Khowai hangkhor belai no khoti wngkha. Khoti wngmani amchai rokno goriwi naikha borok. Patimungni Joto reports rokno haste haphang tei kendra haphang ni thani joma rinai hinwi sakha kendra ni officer Ramesh Kumar. Asalo kendra ni phainai officer rok amchaini lukorog bai kok sakha borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
