Haste oh sal kisa swkang belai no watwi phaima bagwi haste ni logi aguli oh bo belai no khoti wngkha. Relief camp oh tongnai baksa rok nogo kiphil phano baksa borok rokni nog huk rok tabok phano tongnani moton wngyakhu hinwi sawimankha. Oh jora oh khoti wngnai lukorog no chubachu khwlainani bagwi bwskango phaikha salthang Tripura Loksobha kendra ni MP Biplab Kumar. Asalo 6 Agartala bidhansabha kendra bai khobjak 13 no ward amchaini khoti wngnai rokni bagwi 600 packet manwi khwnwi horkha loksobha ni MP Biplab Kumar Deb. Ah manwi khwnwi rokno phasalo lukorog ni yagu yapharwi rijakha. Phiyabha asalni panda oh manjagwi manliya MP Biplab Kumar Deb. Phiyabha bono karwi manjakha pradesh BJP ni general editor Papiya Datta, corporator Goutam Chanda, 6 Agartala mondal committee ni president Harilal Debnath no khobui kubuni adongrok. Asalni panda oh kok narukna thangwi BJP ni ojama jwk Papiya Datta sakha, haste oh flood wngwi belai no khoti wngkha. haste ni logi 6 Agartala bidhansabha kendra bai khobjak amchai rokbo belai no khoti wngkha. Ah amchai rokni bagwi 600 packet manwi khwnwi horkha MP Biplab Kumar Deb. Ah manwi rokno lukorog ni yagu yapharwi rikha. Aboni yagulo BJP ni ojama jwk Papiya Datta teibu sakha, phainai salo bo abohai chaitokmung tongnai hinwi sakha. Oh jora hamya oh Loksobha ni MP Biplab Kumar Deb ni twidulmung bai chamungni manwi khwnwi manmani yagulo belai no kha-phurlaijak 13 no ward ni lukorog. Aboni bagwi borok Loksobha ni MP Biplab Kumar Deb no hambai yapharkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
