Sangrong salni horo Kamalpur jubha morcha mondal ni president Mrinmoy Bhattacharya ni nogo kaisa bodol thangwi khuksitra hinka, Aboni logi bini buma bupha sngno bo bukhuktwi je phaitwi hinka samung sitra tangnai rok. Bini buma bupha sngno sakha bwsala Mrinmoy Bhattacharya no bwtharwi khibinai hinwi sakha samung sitra tangnai rok. Koktwma oh sawi mankha Noagaon oh tongnai Sajal Ghosh tei bini nukhungni borok rokno yubha morcha ni mondal president ni nogo thangwi homki rikha. Phasalo patimungno twiwi sawi manmani yagulo yubha morcha ni sipai rok belai no jolijaklaikha. Borok Kamalpur thana oh bwkhaste police officer Ayush Srivastab bai kok sawi kaisa deputation rikha hinwi saimankha. Abono twiwi nangkukmani yapri naharnani bagwi sakha yubha morcha ni sipai rok. Deputation paimani yagulo yubha morcha ni vice-president Joydeb Majumder oh kok no swbai sukurwbwi sawi khwna rikha. Khursathai kwlai oh 19 august ni salmari oh Kamalpur bidhansabha kendra ni BJP ni MLA eba kwcham montri Manoj Kanti Deb ni nog bwskango phaiwi kwbangma sikla rok chiri khoklaimani nukjakha. Aboni yagulo MLA ni nog gana oh tongnai rok belai no kirijaklaikha. Ah patimungni 10 days ni bisingo no hai no hai Kamalpur ni yubha morcha ni president ni nogo abohai patimung patikha. Patimungni yagulo belai no kirilaijak amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
