Thanai sal nwi sal tham romwi haste o flood ung mani bagwi belai khe no loku rok deramwng o kwlai jak, joto ni swlai deramwng o kwlai kha bishalgarh amchai o. amchai ni kwbang loku rok tabuk phano sbir o ma tongwi tongkha.phiya ba ah flood ung mani bagwi deramwng o kwlai kha bania khwlainai rokbo. tei kwrak salo bishalgarh bazar beraiwi naina bagwi thang kha salthang Tripura loksabha kendra ni dagiphang eba haste ni kwcham montri okra Biplab kumar deb.aro thangwi bania khwlainai rok bai kok sakha bo.ah salo berai naimani jora o dagiphang no logi rwkha amchai ni MLA Sushanta deb ni logi mchai ni adong rok bo. ah salo bania khwlainai rok bwsuk jora twi deramwng o kwlai kha abo rok joto no sawi khuna rwkha dagiphang no.berainaimani ulo kokthum thumnai ni bwskang o dagiphang salha, abo hai deramwg o kwlai jak habar ni simi ongkhorwi joto nono thansa khe samwng khwlainani nang nai. joto pati mwng ni phasing cherwi naikol tongkha haste hapang. flood ung mani bagwi bania khwlainai rok bwsuk jora twi deramwng o kwlai kha, abo no cherwi naikol tongkha haste hapang tei dati khe bania khwlainai rok no chubachu rwna ni bagwi bo naikol tong kha haste hapang.Deramwng o kwlai jak bania khwlainairok dagiphang no gana manwi belai kheno kha phurjak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
