Teisa habar tungphulai jak bangladesh o, tabuk khe tungphula lai mani nukjak kha dhaka o. job no twi sal nwi romwi sanmwng khwlai phawi tong kha Ansar ni ojama song.kokti sal ni horo dhaka ni secretariat gana kwthumlai mwng khwlai nai rok kok banglai kha, abo ni ulo choprob lai kha, tei ah choproblai mani o 40 eba 50 jona ni kahai sago dukhu man kha, student ni adong Nahid ishlam ni logi kwbangma rwng swrung nai no romwi ton kha, abo hai koktwma manwi no hor ni 9 ta o dhaka university bwskng o kwthumlai mwng khwlai kha student rok.borok anser ni ojama song no norna nai khe no kai nwi bodol ni bising o choprob lai kha. habar no tong kwchang khwlai nani bagwi ongkhor rwjak kha police tei sengkwrak bodol. sago dukhu man nai rok no dhaka medical college sakham nogo admit khwlai kha, Nahid ishlam sanmwng khwlai kha, anser bodol pati mwng no kotor khwlai nani nai tong kh,samwng hamya khwlainai rok ni phasing kwrak khe sep nahar jak nai hwnui bo sakthar mwng rwkha. tei khak sa phasing khe anser tei village defense force ni general Motaleb Sajjad Mahmud sakha, borok kwthumlai mwng khwlai nai,borok anser bodol ni ojama ya,phatar ni simi kwbui ni borok phawi habar no deramwng o khiklai nani nai tong kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
