Twi lam mani bagwi haste o manwi khunwi ni dam kwbang ung jak, abo no gosiwi manya ungwi tong kha haste hapang, pha salo dal bidal ni bania khwlainai motha ni logi achuglai mwng khwlaikha montri Sushanta chowdhury.ah salo secretariat o chamwng tang bedek montri ni conference hall o achuglai mwng khwlai kha. Kwbang watui phai mani bagwi haste o twi lombaikha, abo hai jora o khak sa thai ni bania khwlainai rok dal bidal hati o nangkuk mani manwi khunui rok dam kwbang khe phalwi tong kha, abo hai kok silsamwng manwi pha salni phung o secretariat o sak ni office ni conference hall o achuglai mwng khwlai kha chamwng tang bedek ni montri Sushanta chowdhury. achuglai mwng o Food tang bedek tei consumer interest ni director ni logi sub divisional food controller, All Tripura distributors association, All Tripura merchants association, Potato, Onion tei Garlic merchants association, wholesale groceries merchants association, chamber of trade and business ni logi rajakhor aguli ni dal bidal committe ni samwng khwlainai rok phawi manjak phai kha. abo ni logi phawi manjak phai kha Indian Oil Corporation bai gwdal jak IOCL kwchug thai ni samwng khwlainai rok.achuglai mwng cheng drop rogo no haste ni habar rok bobo hai abo no twi khuk kengkha montri Sushanta chowdhury.bo saklai kha joto nono sep khe rwjak kha,khorok sa borok phano deramwng o kwlaiya twi naikol mwng khwlai tong kha hwnui. sathai kwlai o, kirima sinsa khe twi lom mani sal nwi romwi abo no samwng o phunangwi haste ni khak sa thai ni bania khwlainai rok manwi dam kwbang khwlawi phalwi tong kha, abo hai kok silsamwng manwi pha salo no achuglai mwng rikha chamwng tangbedek ni montri Sushanta chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
