Sal tham romwi hasteo watwi kwbangma wama bagwi hasteni kwbangma amchaio no twi lum kha. amo hai jorao kwbangma relief camp no swnamjak kha hasteo. pha salo hinkhe udaipur ni relief camp no naikulna bagwi thangkha hasteni montri okra Dr.Manik saha. pha salo hasteo twi lumsamani halok rogno naina bagwi udaipurni bagwi lam rikha hasteni montri okra Dr.manik saha. ah salo udaipur ni khilpara ni hati nogo tei rwng nogo relief camp swnamjakma rogno naikulwi nai kha montri okra. ah salo montri okra ni logio tongkha udaipur municipal council ni chairman shital chandra majumdar , mondol achukphang Prabir das , hangkhor naikulnai Rabel hemendra kumar , hangkhor police super Namit pathak no khobwi kubini adong rog. relief camp oh tongnai lukurog rog bai bo koklam khwlaikha montri okra . datino borogni jwngjal no kaham khwlaijaknai hinwi ah slao kok rikha montri okra Dr. Manik saha. ah slao koktwma thumnai rogbai kok sana thangwi montri okra sakha , hasteni halok no kaham khwlaina bagwi haphang sak tharwi no samung khwlaiwi tongo. joto MLA rog bo samung khwlaiwi tongo tei kendra haphang bo hasteno chubachu rioi tongo. montriokra sakha , hasteni halok kaham khe no saimano montri bokhoro , je mansak no chubachu rioi tongo bo. abono karwibo home minister bo hasteni bagwi NDRF ni team rohor kha helicopter horokha . amoni bagwi home minister Amit Shah no hambai yaphar kha montri okra . relief camp oh tongnai cherai bwsa rogno sak ham rogno twiwi bo koklam khwlaikha montri okra. cherai tei omar chakrak rogni sak no kaham khe naikulna bagwi ah salo dagimung rikha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
