Swrang salni horo watwi kwbang phaimani bagwi ha kowakgwi khung nwi nokhongni khorok sni borok rog thwiwi thangkha. patimung shatirbazar bwkhasteo hinwi koktwmao saimankha. Thui tongmani jorao ha kowakgwi phaiwi thwikha khung nwi nukhungni khorok sni borok rog.oh patimung pati kha shantirbazar bwkhasteni aswini tripura amchaio. patimungo teibo khorok tham belai kheno sakgo dukho mankha hinwi koktwmao saimankha . thwinai rogni bisingo khorok dok borok rogni mang kwthwino khochai mankha.patimungo thwinai rogni mung wngkha Umacharan Tripura , Mandira tripura , prasenjit tripura , ajoy tripura , rakesh tripura , Jyotika tripura tei kom twisa tripura . koktwmao saimankha aswini parao khungba nokhongni borok rog tongo. aroni bisingo khung tham nokhogni borok rog kaisa shibiro thangwi langma bachirikha. tei khungnwi nokhongni borok rogno bo shibiro thangna bagwi sajak kha. phiya nog yakarwi thangna bagwi gosiliya borog. swrang salni horo dam chisa jorao belaino kwbangma khe watwi phaimani bagwi ha kowakgwi omo hai patimung patikha . ah jorao khungnwi nokhongni borok rogno thujak wngmani bagwi mungsa siliya . sangrong salni phungni simi borogno banchirin Bagwi ha nornani samung khwlai kha gana gini ni amchaini lukurog. puilao no sak dukho manai rogno banchirioi sak ham nogo rohorjak kha. yagulo dipor dam nwi oh khorok dok borok rogni mang kwthwi karijak kha . tei khoroksa ni mang kwthwino tabok rotokjakgwi tongo. ah salo patimungni koktwma manwi aro thangwi sogwi kha shantir bazar thanani police rog. patimungni koktwmao haste gwnangwino jotono kha khamsajak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
