Banamalipur bidhansabha kendrao Twilumsamani bagwi nog yakarwi shibiro tongnai tongkosong lukurogbai sangrong salo kok sakha hasteni BJP bodolni achukphang Rajib Bhattacharjee. sal nwi sal tham rwksai hasteo kwbangma watwi phaimani bagwo kwbangma thaio lukurogni nuk rogo twi lumsakha . lukurogno banchirioi shibiro twlangjak kha. bonamalipur bidhansabha kendrao bo kwbangma shibir swnamjak kha . sangrong salo ah shibir rogno naikulna bagwi ro thangwi sogwi kha hasteni BJP bodolni achukphang Rajib Bhattacharjee. puilao no bo thangkha bonamalipur amchaio , aro tangkrak rogbai koklam rog khwlaikha bo. aboni yagulo mahatmagandhi memorial higher sencondary rwng nogo thangkha bo. flood ni bagwi agartala ni 31 no ward oh kainwi sgibir kholokjak kha. aroni bisingo kaisa wngkha mahatmagandhi memorial higher sencondary rwng nog. ah shibiro college tilao howar twini bagwi flood wngmao manjaknai professor colony ni lukurog tabok tongwi tongo. aro tongwi tongnai lukurog baibo kok sakha pradesh BJP ni achukphang. borogni chamung rogno twiwi tangkrak rogbai bo kok sakha bo. aroni simi khe bo ramthakur girls school oh thangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
