45 Bisi ni yagulo Bharat hakotor ni montri bokhorok wngwi puila Poland oh thangkha montri bokhorok Narendra Modi. Poland-Ukraine oh thangkha montri bokhorok Narendra Modi. Poland oh tongnai Indian rok bai kok sakha bo. Aboni yagulo bo teibu sakha, oh jora choba ni bagwi ya hinwi sakha. Oh jora wngkha joto no thansa wngwi borok moisu no bwskango twlangnani. Aboni bagwi no Diplomacy tei negotiation puito khwlai oh. Khursathai kwlai oh aboni sai swkang 2022 bisi ni SCO Summit oh Russia-Ukraine ni choba no twiwi kok sakha montri bokhorok Narendra Modi. Bharat hakotor ni swlaijak foreign policy no twiwi bo kok sakha montri bokhorok Narendra Modi. Aboni yagulo bo teibu sakha, bisi kolokma ramwi bharat ni raida wngkha, joto hakotor bai no hachal khe tongnani, Phiyabha tabok joto swlaijagwi thangkha. Tabok bharat ni raida wngkha joto hakotor bai kaham halok swnammung. Tini ni bharat joto bai kwrwngwi tongnani muchungjago. Tini ni bharat joto bai thansa khe yapri sewi tongo tei joto ni hamkrai ni kok no wansugo. Aboni bagwi no hayung tini ni salo Bharat no joto ni sai bayap hinwi borom ri oh. Poland oh thangmani yagulo 23 august ni salmari oh Ukraine oh thangnai montri bokhorok Narendra Modi. Aro thangwi Ukraine ni President Volodymyr Zelensky bai kok salainai. Russia-Ukraine ni choba no mwthaknani bagwi oh tour belai no nangkukmani hinwi wansukkha. Sal kisa swkangno Russia oh thangwi phaikha bo. Khungnwi hakotor ni choba no mwthaknani bagwi waire wai no chaitokkha montri bokhorok Narendra Modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
