Thanai satham ramwi haste oh watwi phaima bai haste ni logi Khowai doly oh bo twi torkha. Lukorog ni nog nogo twi hapkha, kebo kebo lama oh se ahh romlaiwi tonglaisi oh. Khowai salthang Sonitola gram panchayat gana ni kwbangma amchai oh twi lomsakha. Aboni bagwi thanglaisu khwlaiwi manya wngwi tongkha tongkosong lukorog. Baksa borok rok nogni ongkhorwi manya wngwi tongkha. Phiyabha haphang ni borok rokno nukya hinwi koksilsakha amchaini. Amchaini lukorog sak baithangno borok rokno safety thai oh twlangwi tongo. Twrwk twrwk watwi ni twi teibu bangwi phai oh hinwi saimankha. Oh situation oh kwbangma lukorog relief camp oh thangnani nangkha. Nog huk baimani logi haste ni hukbar khwlainai rokni bo joto manwi khwnwi no kochogwi thangkha hinwi saimakha. Khursathai kwlai oh sangrong salni phung jora thanai nwi chi bwrwi jora oh bebagwi 51.6 milimiters watwi phaikha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
