Rajakhor aguli o twi lomjak thai berai naikha salthang hangkor police super Dr.Kiran kumar K. bo saklai kha, police,TSR,SDRF,NDRF tei assam rifle ni sengkwrak bodol rok naikol mwng o tong o hwnui. Cha sal ni simi haste o kwbng khe no watui phai mani nuk jak kha, watui kwbang phai mani bagwi haste ni dal bidal twima rogo twi tor mani nuk jak kha, dal bidal thai ni logi rajakhor aguli o bo kwbang watui phai mani nuk jak kha, watui phai mani bagwi hawrah twima ni twi kotor ungwi rajakhor aguli ni dal bidal amchai rogo twi lom bai kha, swrang salni phung o bo rajakhor aguli o twi lom mani thai rok berai nai kha salthang hangkor ni hangkor naikolnai police super Dr.Kiran kumar K.puila bo srilanka bansti o thang kha, abo ni ulo aro ni simi bo baldakhal amchai o thangwi berai nai kha, joto jaga o thangwi no deramwng o kwlai jak loku rok bai kok sakha, abo ni ulo bo kokthum thum nai ni bwskang o salthang hangkor ni police super Dr.Kiran kumar K saklai kha, kwbang watui phai mani bagwi rajakhor aguli ni kwbang ma thai rogo no twi lombai kha, abo ni bagwi police,TSR,NDRF,SDRF tei assam rifle ni sengkwrak rok samwng o thangwiyak rwkha,tei habar rok thik ungya sak sengkwrak rok logi tong nai tong kosong loku rok ni hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
