BJP ni jora oh no haste ni maharaja ni simi romwi tiprasa loku rok joto ni swlai borom rwjakha, tang salo rabindra satabarshiki bhavan o maharaja bir bikram kishore manikya bahadur debbarman ni 116 bisi achaima sal ni panda o nograi okra ungwi phawi manjak phai kha montri okra Dr.Manik saha. Tang salo Tripura ni Maharaja Bir Bikram Kishore Manikya Bahadur Debbarman ni 116 busu achaima sal. ah salno kitingwi haste o panda songsa jak kha rabindra satabarshiki bhavan o,hukumu tang bedek ni bwkhak twi songsa jak mani panda o nograi okra ungwi phawi manjak phai kha haste ni montri okra Dr.Manik saha. montri okra no karwi bo phawi manjak phai kha haste ni dagiphang jwk Kriti devi debbarman, ah pandao haste ni kwcham montri eba tabuk ni MLA Rampada jamatia no maharaja bir bikram kishore manikya bahadur sriti sokat rwkha montri okra.
panda o kok narugna phuru montri okra saklai kha,khorok sa kaham borok tong mani maharaja bir bikram kishore manikya bahadur.haste ni mwng teibo kwchug o karwna ni bagwi tei phai tong nai sal rogo agi ni laibuma sai man nani nang nani bagwi panda songsa jak kha hwnui sakha montri okra. ah salo jolilai mwng phunugi montri okra saklai kha, haste o agi ni hapang tongphruu maharja song no kahamkhe borom rwmani nukliya, BJP hapang phai mani ulo no montri bokhorok Narendra modi no puila borom rwmani chengwi rwkha. agartala airport o maharaja bir bikram airport ni mwng,thanga darlong ni simi romwi kwbangma janajati rwchapmwng kwrung rok no Padma Shri sokat rwjak kha. ah salo maharaja bir bikram kishore manikya bahadur ni achai mani sal no kitingwi kaisa twitte khwlawi haste ni loku rok no kha kaham yaphar kha montri bokhorok Narendra modi. ah panda o phawi montri bokhorok post khwlai mani abo rok pori rwoi khuna rwkha montri okra Dr.Manik saha. sathai kwlai o, 2020 bisi ni simi haste hapang maharaja bir bikram kishore manikya bahadur ni sriti sokat chalu khwlai kha, ah bisi o sokat yaphar jak kha Nobo kishore jamatia no,2021 bisi o sokat mankha Rangomohon roy, rei 2022 teo 2023 busu o sokat mankha chitta maharaj eba Chittaranjan debbarma tei Jishnu debbarman.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
