Hakotor ni montri bokhorok Narendra Modi ni twidulmung bai thanai 23 august ni salmario Tal ni south-pole o land khwlaikha Bharat ni Chandrayaan-3. Aboni bagwi hakotor ni montri bokhorok Narendra Modi tei ISRO ni sciencetise rok no hambai tei kha kaham yapharna mani logi tei kainwi nangkukmani kok no twiwi phasalo agartala municipal corporation ni conference hall o kaisa koklam panda songchajakha. O panda o manjakha agartala municipal corporation ni mayor Dipak Majumder, municipal corporation ni deputi mayor Manika Das Datta, municipal corporation ni commissioner Shailesh Kumar Yadav no khobui corporator rok bo manjakha. asalni panda kok narukna thangwi mayor sakha, phainai 17 september ni simi 2 october jora hakotor rwgwi swchcha bharat mission no twiwi kobokkha hakotor ni montri bokhorok Narendra Modi. Montri bokhorokni kobokmungno yachagwi hakotor ni logi haste o bo palaijagwi tongo Swchcha bharat mission ni samung bwtang. Aboni bagwi phainai 17 september ni phungo Umakanta academy ni simi Ujjayanta Palace jora kaisa himbotok khwlaijaknai. O himbotok go joto ward ni corporator no khobui kubuni adongrok bo manjaknai. Phainai Osa mwtaio joto lukorogno kaham kwrwng tei kha kaham ni bising twi mwtai naiwi manani bagwi no, auli kwbangma lama no khobui, joto no saduknani bagwi yapri naharkha mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
