Cha salo Indian medical Association bwkhaktwi dam nwi chibrwini eba 24 hours ni bagwi samung mwthakgwi toninani koimungno gosinaharwino cha salo joto samung mwthakgwi tonikha khowai hangkhor sakham nogni OPD tang bedekni sebok rog. khursathai kwlaio kolkatani RG kar medical college ni mamlano jolimung phunukgwino oh yapri naharjak kha hinwi. Kolkata ni RG kar sak ham nogo saknaikulnai no rompheremani tei bwthar mani patimungthai thangnai 14 august salmario swbaiwi rijak kha. omo hai patimungni jolijakgwi Indian medical Association eba IMA cha salo hakotor gwnangwi 24 hours ni bagwi samung mwthaknani bagwi kobokmung khwlaikha. association ni bwkhaktwi kaisa koimung bwlaibai khe saklaiwi rijak kha cha salni phung dam 6 am ni simi kokti salni phung dam 6 am jora samung mwthajak toni nai hinwi. outdoor tei surgery tang bedekbo mwthakjak toninai hinwi saklaikha borog. IMA mothani bwkhaktwi saklaijakmani oh kokbokmungno daiwi no cha salo khowai hangkhor sak ham nog ni OPD tang bedekgo samung khwlainai rog samung mwthakgwi toni kha. borogni sanmung wngkha sak ham nogo samung khwlainai tei saknaikulnai rogni naimwthangno twiwi naikulmung kwrak khwlaina bagwi . samung hamya khwlainai rogno dati romwi bwrwino justice rina wngthon hinwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
