JP Nadda ni yagulo tabok hakotorni BJP bodolni kwtal achukphang sabo wngnai amono twiwi swngmung achaiwi tongkha. kwtal achukphangno chonghorna bagwi bodolni kuchuk beremni ojama rogni bisingo koklam panda khwlaijak kha hinwi koktwmao saimankha. BJP ni kwtal hakotor rwk achukphangni mung saklaijakmungno twiwi thwng rwngni habaro kwbangma koktwma kwsai tongkha . ah salo delhi hakotorni joto hasteni BJP achukphang tei kuchuk beremni ojama rogno twiwi kaisa koklam panda songsajak kha. ah koklam pandao da kwtal BJP achukphangni Mung saklaijak kha , amono twiwi dalbi dal kok kwsai tongkha thwngrwngni habaro. kwbangma booth tei mondol ni tangkrak rogni twiwino koklam khwlaijak kha hinwi koktwmao saimankha. JP nadda ni yagulo tabok kwtal khe BJP bodolni achukphang sabo wngnai amono rwksai no koklam panda khwlaijakgwi tongo hinwi koktwmao saimankha. phainai executive koklam wngya sak execitable achukphangni mung saklaijaknai hinwi koktwma saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
