RG Kar medical college oh khorok sa medical poriwi tongnai bwrwi rape khwlaiwi bwtharjakmani justice sanma oh phaiwi supports khwlaiphaikha doctor rokni hakotor rwk bodol eba Indian Medical Association or IMA. Nwi chi bwrwi jora ni bagwi strike khwlainani bagwi kobokkha borok. Sangrong sal eba 15 august ni salmari oh IMA sakhwlairikha je, Chasal eba 17 august ni phungni simi borokni strike chengsajaknai. Phainai koktisal eba 18 august ni salmari jora chilonai borokni strike. Oh nwi chi bwrwi jora oh hakotor ni joto doctor rok, nangkukmani kotor kotor treatment no karwi tei mungsa treatment khwlaiya hinwi sakha. RG Kar medical college tei sakham nogo medical poriwi tongphainai khorok sa bwrwi no rape khwlaiwi bwtharmano kebengwi no strike khwlaijaknai hinwi sakha IMA. Abono twiwi doctor rok sakha, joto nangkukmani kotor kotor treatment cholinai. Treatment of casualties ni sep sap bo tonijakha. Phiyabha OPD ni regular samung bwtang rok wngwlak tei Elective surgery bo wngwlak. Doctors rok je thai oh modern Medicine Services riwi tongo, aborokno mwthagwi rijaknai hinwi sakha borok. Swrang salni horo kwbangma chwla bwrwi rok protest oh ongkhorkha. West-Bengal ni logi hakotor rwgwi no asalo protest khwlaijakha. Phiyabha tongkwchang ni bising twi protest khwlaimani bisingo no kaisa hamya samung khwlainai bodol rok RG Kar sakham nogo habwi manwi khwnwi rok swbai rwikha. Oh patimungno kebengwi no Federation of Resident Doctors Association ni members rok sangrong salni simi strike khwlainani yapri naharkha. Phiyabha Aboni sai swkang 13 august ni salmari oh kendra ni sakham tangbedekni montri JP Nadda bai koklamo achukmani yagulo strike khwlaimano rosawi naharkha doctors rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
