Bangladesh oh Hasina ni haphang kwrwikha. Hakotor yakarwi Bharat hakotor oh tongwi tongo Sheikh Hasina. Oh jora oh montri bokhorok Narendra Modi bai phone khwlaiwi kok sakha bangladesh ni kwtal montri bokhorok Muhammad Yunus. Koktwma oh sawi mankha je, Bnagladesh ni hindu rokni safety no twiwi kok rikha Muhammad Yunus. Montri bokhorok Narendra Modi social media ni bising twi post khwlaiwi sakhwlai rikha. Khursathai kwlai oh miya swrang salo hakotor yogsamani sal palaijakha, Lal Qila oh bhachawi montri bokhorok Narendra Modi sakha, bangladesh ni hindu rokni kok no twiwi wansugwi tongo hakotor ni 140 crore lukorog. Bangladesh ni patimung rok dakti no tongkwchang wngthung hinwi surikha. Thanai kwrak salo bangladesh ni hindu rok bai kok sakha Muhammad Yunus. Borokni kok no khwnawi belai no kha khamjakha tei borokni saka oh chopropnai rokno kwrak satokmung rinani bagwi kok rikha Muhammad Yunus.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
