Swrang salo Khowai Ramchandraghat Chowmony amchaini Har ghar Tiranga ni panda oh thangwi manjagwikha haste ni montri okra Dr.Manik Saha. Khowai amchai oh songchajak kaisa kotor tiranga rally oh bo manjakha bo. Asalni panda oh bono karwi bo manjakha tiprasa hamkrai tangbedekni montri Bikash Debbarma, MLA Pinaki Das Chowdhury, Ramchandraghat amchaini MLA Ranjit Debbarma no khobui kubuni adongrok. Asalni panda oh kok narukna thangwi montri okra sakha, 1947 bisi ni 15 august ni salmari oh Bharat hakotor yogsakha, Aphuru ni simi no chwng hakotor ni bana no tisawiphailai mani, phainai salo bo abohai khe no tisawi thanai. Montri bokhorok Narendra Modi ni twidulmung bai 2022 bisi oh hakotor rwgwi no Har ghar Tiranga ni samung bwtang panda no chengsawi rijakha. Aboni kaisa no nasikumg wngkha hakotor ni bagwi choba khwlailangnai sahid bir rokno oh samung bwtangni bising twi muito khwlaimung. Hakotor ni bagwi choba khwlaiwi kwbangma bir rok sahid wngkha. Aboni bagwi no Sahid bir rokno borom yapharna bagwi no 13 august ni simi 15 august salmari jora Har Ghar Tiranga samung bwtangni yapri naharkha BJP. Aboni yagulo bo teibu sakha, Haa ni bagwi khwlainai rokno pogwi thangkhe wngwlak, borokni lengphlaya choba khwlaimani bagwi no 1947 bisi ni 15 august salmari oh Bharat hakotor yogsakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
