kwrak salni simi hakotor gwnangwi har ghar tiranga samung bwtang chengsai rijak kha. amono rwksaino hasteo bo ah samung bwtang chengsai rijak kha. kwrak salo rwng swrwng tang bedekni bwkhaktwi umakanta mini stadium oh kaisa panda songsai rijak kha. ah pandao nograi okra wngwi manjak phaikha hasteni montri okra Dr.Manik Saha. ah salo bono karwibo manjak kha tang bedekni kwbangma tangkrak rog. ah salni pandao kok narwkna thangwi montri okra sakha , yoksamungni chubao langma bedogwi rinai rogno borom rina bagwi 2022 bisini simi montri bokhorok narendra modi har ghar tiranga samung bwtang songsai rikha. montri bokhorok saklaimung hakheno hasteo bo ah samung bwtang palaijak kha. 2022 bisio hakotorni 8.5 lakh nogo har ghar tirang samung bwtang palaijak kha. bo teibo sakha 1947 bisini simi bisi brumno hakotorni independece day palaijak kha. phiya 2022 bisini yagulo tabok ah salno palaina kwtal naharmung mankha hakotor. omo hai samung bwtang rogni bisingtwi no independence day ni nangkukma rogno tei bo sinai lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
