Haste ni hukbar rokno rangthong ni bwkhak twi rakrinani bagwi tei borokni ajimungno bangrina ni bagwi haste haphang Palm oil cultivation no important riwi tongo. Indonesia, Malaysia, Nigeria, Thailand tei Cambodia oh hayungni 90 % ni sai kwbang palm oil production khwlaiwi tongo. Bharat hakotor kubuni hakotor ni simi 56 % palm oil ni thok tubuwi tongo. Chamungo use khwlaimani thok rokno hakotor oh kwbangkhuk khwlaiwi swnamnani bagwi palm oil no important riwi tongo Bharat haphang. Palm oil khwlainani bagwi North-east ni bisingo joto ni sai thai kaham haa wngkha Tripura- Chasalo palm Well processing factories tei research centers ni foundation stone phiyogmani panda oh manjagwi abohai no sakha haste ni hukbar tangbedekni montri Ratan Lal Nath. Oh Palm oil ni bising twi haste ni lukorog ni teibu kaham wngnai hinwi kha khwlaikha hukbar montri. Asalni panda oh montri ni logi manjakha Malaysia ni phainai Palm Oil ni Expert Scientist Harekrishna Kulabhir Singam, hukbar hamkrai tangbedekni secretary Aporba Roy, MLA Paul Dangshu, Manu block ni vice-chairman Pranoy Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
