Rajakhor aguli ni simi khorok tham bangladeshi romjak kha, pha sal ni sanja jora chandrapur ISBT bus stand ni simi romjak kha khorok tham bangladeshi. Bangladesh ni habar ni bagwi Tripura bai khobjak international border amchai oh kwrak khe naikol mwng rwjakha, phiya ba abo hai jora rogo phano patiwi tong kha manab pahar ni pati mwng, pha salni sanja jora rajakhor aguli ni chandrapur ISBT bus stand amchai ni simi khorok tham bangladeshi no romkha police. amchai ni loku rok ni bwkhak twi koktwma manwi police bangladeshi rokno romkha. romjaknai rok ni bising o khorok sa bwrui bo tong o hwnui sai mankha, romjak nai bangladeshi rok no swng mwng khwlai tongkha police. pha salo salka thana ni OC Rana chatarjee kokthum thumnai ni bwskang o sawi khuna rwkha, bo teibo saklai kha romjak nai rok ni phasing kwrak khe no sep nahar jak nai. sathai kwlai o, Sheikh hasina hapang bai mani ulo bangladesh ni habar belai khe no tungphulai jak, joto hangkor rogo no hindu tei dal bidal bosong ni sakha choprob tong kha, abo hai habar rogo kwbang hindu loku rok no bharat o phai nani bagwi ari bwskang o phawi sokphai kha, phiya ba ari bwskang o kwrak khe seng kwrak bodol ni naikol mwng tong mani bagwi bharat o habwi maya ungwi tong kha.abo hai jora rogo ah khorok tham bangladeshi bobo hai khe bharat o phawi sokphai kha bao no twi swng mwng kasai tong kha, pati mwng no twi hakotor tei haste ni naikol mwng no twi swng mwng kasai tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
