Phainai 13 august ni simi 25 august jora Sweden ni Gutenberg oh 26 bisi World Masters Athletics Championships songchajaknai. Ah world Masters Athletics Championships oh India ni wngwi haste ni khorok dok players rok participate khwlaikha. Aroni bisingo khorok ba bwrui tei khorok sa chwla. Boys Masters Athletics ni mung wngkha Kajal Chandra Das. Kaisa jora oh haste ni marathon runner tongmani bo. Cycle marathon oh Cyclist wngwi participate khwlaikha bo, World Athletics no bwskango toniwi salbrom no Ranirbazar school Ground oh tei salthang Noabadi scholl Ground oh practice khwlaiwi riwi tongo Kajal Chandra Das. Masters athlete Kajal Chandra Das sakha, phainai 10 august ni salmari oh Agartala ni simi birkhung bai Mumbai oh thangnai bo. Mumbai ni simi Sweden oh thangnai bo. Sweden ni Gutenberg oh songchajak 26 bisi World Masters Athletics Championships oh 5 thousand miters, 10 thousand miters tei 3 thousand mites sprint oh participate khwlainai. Asalo bo teibu sakha, kaisa jora oh haste ni wngwi National school meet oh tei North-east Festival oh participate khwlaikha bo. Oh bisi ni February talo songchajak Mumbai ni National Masters Athletics Championships oh participate khwlaikha bo. Aroni simi no World Masters Athletics Championships oh India bodol ni wngwi chongjakha Kajal Chandra Das. Abono nasigwi no practice khwlaiwi tongo bo. World Masters Athletics Championships oh kwplai wngnani bagwi haste ni lukorog ni hamari sankha Kajal Chandra Das. Sweden ni Gutenberg oh songchajak World Masters Athletics Championships oh india ni wngwi khorok ba Masters athlete participate khwlainai. Borokni mung wngkha Jhoba Paul Datta, Shefali Vardhan, Mitali Debnath, Archana Banik tei Mamta Nath. Borok bo practice khwlaiwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
