Sangrong salni horo eba panchayat chongmarini horo Khowai Motorstand ni Auto Syndicate gana ni cha-phalnog swbaiwi manwi khokjakha. Tabok patimungno twiwi naicherwi tongo police. Khungsa cha bania khwlainai ni phalnog swbaiwi manwi khokjakmani bagwi Khowai Motorstand amchai ni lukorog belai no wanalaijak. Khowai Motorstand ni Auto Syndicate gana oh bisi kolokma ramwi cha-ni phalnog riwi tongmani Bachchu Ghosh mungwi khorok sa borok. Ah phalnog bai no nukhung chalogwi tongmani bo. Phiyabha panchayat chongmarini salo eba sangrong salni hor kwthogo samung sitra tangnai rok bini phalnog no swbaiwi bisingni manwi khwnwi rokno khogwi twlangkha. Phalsalni phungo patimungni koktwma manwi phalnogo thangkha Bachchu Ghosh. Aboni yagulo bo sakha, amchaini samung sitra khwlainai rokno bini phalnogno swbaiwi manwi khwnwi khogwi twlangkha. Tabok bai khe wai dok bar bini phalnogo hamla khwlaijakha tei manwi khokjakha. Ah samung sitra khwlainai rokno waire wai bini phalnogno swbaiwi manwi khokkha hinwi koksilsakha bo. Aboni yagulo bo teibu sakha, patimungno twiwi Auto Syndicate ni tangphang sngno janokjakha. Aboni yagulo patimungno naichernai hinwi kok rikha syndicate ni tangphang sng. Patimungni koktwma manwi patimung thai oh thangkha Khowai thana ni police. Tabok patimungno twiwi naicherwi tongo police. Khungsa cha bania khwlainai ni phalnog swbaiwi manwi khokjakmani bagwi Khowai Motorstand amchai ni lukorog belai no wanalaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
