Pha salo hasteni pragna bhavan oh kaisa koklam panda songsai rikha hasteni science and technology department. 23 august ni national space day no twiwi ah salni panda songsai rijak kha. pandao nograi okra wngwi manjak phaikha department ni montri Animesh Debbarma. 2023 bisini 23 august wngkha hakotorni bagwi kaisa belaino nangkukmani sal. ah salono chandrayan 3 tal ni south pole oh puila land khwlaio. chandrayan 3 ni ah kaham wngkharini bagwi 23 august salmarino hakotorni bagwi national space day hinwi saklaiwi rimani montri bokhorok Narendra modi. tabok oh bisio no puila hakotor gwnangwi national space day palaijaknai. ah kokrogno saklaina bagwino pha salo hasteni pragna bhavan oh kaisa koklam panda songsai rikha hasteni science and technology department. ah salni pandao manjak kha department ni montri Animesh Debbarma , department ni secretary K Shashi kumar no khobwi kubuni adongrog. ah salo national space day ni nangkukma rogno khursai montri Animesh Debbarma sakha , ah sal hakotor tei hakotorni lukurogni bagwi belaino nangkukmani sal. hayung ni 4th number ni hakotorni wngwi ah salono bharatni chandrayan 3 tal oh land khwlaikha. amo simiya , tal ni je bwkhakgo hayungni kaisa phano hakotorni spaceship sogwiya kho aro bo land khwlaiwi kha chandrayan 3. ah salni bharat hakotorni lukurog pokya twi khe ah salo national space day palaina bagwi saklaimung rimani montri bokhorok Narendra Modi. phainai 23 august salmario delhi oh kotor khe ah salno palaijaknai. amoni swkang pha salono national space day no palaiwi borom rikha hasteni pragna bhavan oh , hai hinwi sakha montri Animesh Debbarma. ah salni pandao kok narwkna thangwi department ni secretary K shashi kumar sakha , indian space research organisation , north eastern space applications centre, tripura space applications centre tei tripura state council for science adn technology centre ni luajimung bai pha salni panda songsajak kha hinwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
