Tabok Bangladesh ni kwtal montri bokhorok wngwi swmai tangkha dr. Muhammad Yunus. bangladesh ni president ni naikulmung baino ah salo bino swmai tangrioi montri bokhorokni barja yapharjak kha. Khursathai kwlaio tal kwdwkma rwkgwino bangladesh hakotorni habar hamya wngjak aroni tongkosong lukurog tei haphangni kok banglaimani bagwi. bangladesh ni rwng swrwngnai rognai rog tei haphangni sengkwrak rogni bisingo bulai toklai wngmanio kwbangma rwng swrwngnai tei sengkwrak rogni no langma ari kha. hakotorni haphang naikulnai bodolni kwbangma ojama rogni tongthai nog rogobo hamla khwlaijak kha. paithakgo hakotorni hamya habar no thakmukgwi hamya wngwi montri bokhorokni achukthaini simi barja yakarwi rikha Seikh Hasina. bo achukthai yakarmani yagulni simi no hakotorni kwtal montri bokhorok sabo wngnai amono twiwi koklam wngwi tongmani. tabok hinkhe bangladesh hakotorni kwtal montri bokhorok wngwi barja nahar kga Dr. Muhammad Yunus. hakotorni President Muhammad Sahabuddin bono swmai tangrioi montri bokhorokni barja yapharwi rikha. aro manjak kha hakotorni kuchukthaini kwbangma ojama rogbo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
