Sangrong salni phungni dam sini ni simi panchayat chongmari chengsakha, tei sarikni dam bwrwi jora cholinai panchayat chongmari. Sangrong salni phungo sak baithangni bidhansabha kendra ni vote center goriwi naikha amchaini MLA eba haste ni tiprasa hamkrai montri Bikash Debbarma. Asalo bodol ni sipai rok bai kok sakha bo. Asalo koktwma thumnai rokni bwskango montri Bikash Debbarma sakha, lukorog tongkwchang ni bising twi no vote riwi tongo, kebengnai bodol rok ganatantra kwrwi hinwi kokpirwi tongo. Phiyabha thanai 25 bisi eba yakchu bodol ni jora oh kebengnai bodol rok vote kendra oh thangwi sudu manya. Phiyabha BJP haphang ni jora oh tongkwchang ni bising joto center oh no vote rijagwi tongo. Aboni yagulo bo teibu sakha, Krishnapur bidhansabha kendra oh kai chi gram panchayat tongo, aro Panchayat samitini seat tongo kai char , Zela porisad ni seat tongo kainwi. Aroni bisingo panchayat samitini kaitham seat tei Zela porisad ni kainwi achukthai oh bataiya karwi no kwplai wngkha BJP ni batainai rok. Aboni logi bo teibu sakha, panchayat chongmari oh batainai ni mung sudu rutugwi manliya kebengnai bodol rok, abohai sudu Krishnapur oh simi ya, haste rwgwi no abohai, haste oh BJP bodol kwplai wngnani bagwi sudu nasinglaijak hinwi sakha bo. Asalo montri ni logi tongkha panchayat samiti oh BJP ni wngwi batainai Dipa Deb tei Zela porisad oh BJP ni wngwi batainai khorok nwi candidate.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
