Joto haktor bai baksha khe swrang salo haste o bo palai jak kha 10th National handloom day. ah panda no kitingwi natun nagar dighaliya kami panchayat ni 12 no. booth oh handloom ni samwng o gwdal nai rok no borom rwkha BJP mohila morcha Tripura pradesh committee. Bisi brum brum no 7 august sal mari o national handloom day hwnui palai jago. ah sal no kitingwi handloom no twi pirlai mwng khwlai jago. montri bokhorok Narendra modi ni luajimung bai 2015 bisi ni simi ah kwthumlai mwng no National Handloom Day hwnui palai jago. joto hakotor bai baksha khe haste o bo dal bidal panda songsa jakha, National Handloom Day no kitingwi swrang salo rajakhor aguli ni natun nagar o dighaliya kami panchayat ni 12 no. booth oh handloom artist rok no borom rwkha BJP ni pradesh mohila morcha committe. ah panda o phawi manjak phai kha haste mohila morcha ni achugphang jwk eba kwcham MLA jwk Mimi majumdar.panda no kitingwi pradesh mohila morcha ni achugphang jwk Mimi majumdar saklai kha, chini bising o kaisa kaham wansuk mwng ni samwng bwtang ung kha handloom industry .ah salo amchai ni artist rok no borom rwjakha, national handloom day no kitingwi BJP mohila morcha motha ni luajimung bai haste ni dal bidal thai o panda songsa jak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
