Hakotor ni kai chuku haste ni kai chinwi rajya sabha ni bukcha achugthai o by-election ung nani sal saklai rwkha chongmari commission. rajya sabha ni ah bukcha achugthai o vote ung nai 3 september sal mari o. Rajya sabha o kaichi nwi bukcha achugthai o by-election ni sal saklai rwkha national election commission .hakotor ni kai chuku haste o ah kai chi nwi rajya sabha ni achugthai bukcha ung jak. rajya sabha ni bukcha achugthai ni dagiphang rok sal kisa swkang pai thang mani loksabha chongmari o dal bidal bodol ni batainai ungwi kwplai ung kha, abo ni bagw ah achugthai rok bukcha ungkha. hakotor ni je kai chuku haste ni kai chi nwi rajya sabha achugthai ni by-election ung nani nai tong kha abo rok ung kha, Assam, Bihar, Hariyana, Madhya prades ,Maharastra, Rajasthan,Tripura,Telangana tei Odisha.ah bukcha thai rogo no by-election ung nani bagwi phaitong nai 14 august sal mari o notice rohor jak nai, ah sal ni simi no choli nai nomination bwlai joma rwna ni samwng bwtang. nomination bwlai joma rwna ni bagwi paithak ni sal 21 august sal mari. te nomination bwlai cherwi naikol nai 22 august sal mari o.simi, assam,madhya pradesh, maharastra tei tripura ni bagwi nomination bwlai rosai nahar nani pai thak ni sal rwjakha 26 august sal mari o.tei khak sa phasing khe bihar, hariyana, rajasthan,telangana tei odisha ah haste rok ni bagwi nomination bwlai joma rwna ni paithak ni sal 27 august sal mari. rajya sabha ni kai chi nwi achugthai o vote ung nai 3 september sal mari o. phung ni dam chuku ni simi sarig ni dam bwrui jora vote ung nai, ah salo no sarig ni dam ba o vote lekhajak nai.swrang salo election commission ni bwkhak twi notice rwkha. je kai chuku haste ni bising o assam rajya sabha ni kai nwi achugthai tei maharastra rajya sabha ni kai nwi achugthai o by-election ung nai. tei haste rogo rajya sabha o kaisa achugthai o by-election ung nai, ah haste ni bising o Tripura bo khobjago. Tripura ni rajya sabha o kaisa simi achugthai o kwplai ungwi rajya sabha o dagiphang ung mani haste ni wkcham montri okra Biplab kumar deb.taklai bisi ni loksabha vote o salthang Tripura loksabha kendra ni simi kwbang kuk vote bai kwplai khwlawi loksabha ni dagiphang ungkha tabuk Biplab kumardeb. abo ni bagwi haste ni kaisa achugthai bukcha ungwi thang kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
