Phai tong nai 8 august sal mari o haste oh panchayat vote songsa jak nai, ah vote no kitingwi no tang salo BJP ni khorok bwrui batianai no support khwlawi chittamara jot hari kami o chongmari ni sabha tei pirlai mwng songsai rwjakha, tei ah pirlai mwng o phawi kok narugkha montri Shukla charan noatia. Phai tong nai panchayat chongmari no bwskang o tonwi haste ni dal bidal thai rogo BJP ni samwng bwtang tei pirlai mwng chengwi rwkha,abo hai khe no tang salo BJP ni khorok bwrui batianai no support khwlawi chittamara jot hari kami o chongmari ni sabha tei pirlai mwng songsai rwjakha, ah chongmari ni lokuthum panda o phawi manjak phai kha jolaibari bidhan sabha kendra ni MLA eba montri Shukla charan noatia, Tripura pradesh BJP IT incharge Chandan debnath,south hangkor krishan morcha ni achugphang Satyabrata nath, belonia mandal ni achugphang ni logi bodol ni samwng khwlainai tei naikolnai rok.panda o kok narugna phuru montri saklai kha, yaksi bodol rok joto no kwmai thang kha, tei congress bodol no logi bacharwi samwng khwlai nani nai tong kha, tei abo ni logi sakha montri panchayat vote o BJP ni batainai rok kwplai ung nai simi jora ni naikol mwng, tei phai tong nai 12 august sal mari o kwbang kuk vote manwi kwplai ungwi loku rok no logi twi samwng khwlainai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
