Phasalni horo huijak koktwma ni bising twi Bangladeshi rokno Tripura oh haprinai dalal Rupan Mia no romkha GRP thanani police. Bisi kolokma ramwi bangladeshi rokno hamya raida bai Tripura haste oh chitogwi tongo bo. Chasalo police remand sanwi borokno dorbar nogo tisajaknai hinwi sakha GRP thanani officer In-charge Tapash Das. Tripura haste oh salbrom no bangladeshi rok habwi tongo. Bangladeshi rokno hamya raida bai Bharat hakotor oh rang nawi chitoknai Rupan Mia mungwi khorok sa dalal no Phasalni horo romkha GRP Thanani police. Tripura oh hamya raida bai hap phainai joto bangladeshi rok samungni bagwi phai oh hinwi sao tei joto no Bharat ni dalbidal haste oh thangnani bagwi Tripura haste oh rang riwi hapkha hinwi sanaimang. Phiyabha borokni kok bwswk jora twi soi, na abono okologo teibu kotor planing tong, abono twiwi naicherwi tongo police. Sal kisa ramwi masa magnwi dalal rokno romkha police. Aroni bisingo phasalni horo Rupan Mia mungwi khorok sa dalal no romkha GRP Thanani police. Madhya Charipara ari ni amchai oh bono romkha police. Sal kolokma ramwi dalal ni samung khwlaiwi tongmani Rupan Mia. Paithago bono romkha police. Chasalo police remand sanwi borokno dorbar nogo tisajaknai hinwi sakha GRP thanani officer In-charge Tapash Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
