Bisi sa laithangmani yagulo bo hor chwngsamani bathakliya Manipur haste oh. Paithago Manipur oh tongkwchang ni boyer phaiwi mano. Manipur oh Meitei tei Kuki dopha ni bisingo kok wnglaikha. Khungnwi dopha ni lukorog no violence bai chalwi tongnai hinwi yapri naharkha. Thanai bisi ni May talni simi Manipur oh hor chwngkha. Tal brom tal laimani yagulo bo tungphwlamani paiya tongmani. Patimungo kwbangma borok rok thwikha. Patimungo Kwbangma borokni nog kwmakha, kendra haphang ni bwkhak twi tungphwlamano tongkwchang khwlainani bagwi kok kwcharjak phano, tungphwlamani kisa phano komiya. Sangrong salo Manipur ni CRPF ni DIG tei Assam rifle ni officers rokni bwskango tongkwchang ni boyer tubuna bagwi kok salaikha. Aro yapri naharjakha, Kuki tei Meitei dopha ni lukorog violence bai chalwi tongnai hiwni. Phainai 15 august ni salmari oh hai no hai koklam panda wngnai. Sal kisa swkang Manipur ni montri okra N Biren Singh bai koklamo achukha montri bokhorok Narendra Modi sak baithang. Manipur haste ni situation rokno tongkwchang khwlainani bagwi haste tamo tamo yapri naharkha aborokni koktwma naharkha montri bokhorok Narendra Modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
