kailasahar ni duli kwcharo haino hai sikuk akarmani patimung bai ur patijak tabok amchai gwnangwi. Kwrak salni phung aichuk jorao kailashaharni govinda pur amchaio sikuk hap kha. kailashahar thanani simi 400 meter hakchalono oh sikok ni patimung patio. Wanajaknai kok wngkha je thai sikuk hap kha aroni simi 50 meter rogono jorano rwkgwi naikulmung khwlaiwi tongo kailashahar thanani police rog. tabok kok swngmung kwsa kha aswk kwrak naikulmung khwlaimani yagulo bo bahai khe sikok bodol rog bike khokgwi twlangwi mankha. Govinda pur LIC office ni ganao Anuraj saha ni nogo sikok bodol hapbwi bike khokgwi twlang thangkha . salbrumni haikhe hor ni mai rog chabai bini TR02A1153 pulser bike no nogni nuka oh tonwi gate rog khaoi thuna thangmani Anurag Saha. phiya phung aichukgo hinkheno gate ni tala swbaiwi Anurag saha ni nogo habwi bike khokgwi twlangwi thangkha sikok bodol rog. sal kisa swkangno ah amchaini khongsa nokhongo bike khokgwi twlangmani sikok bodol rog. ulo bolong bisingo ah bike rogno manmani police rog. police station gana oh ni amchai rogo omo hai patimung wngwi mano hinkhe bahai khe tong kwchang khe tongwi manai amchaini lukurog. Patimungo tabok kirilaijak amchaini tong kosong lukruog. Kwrak salo patimungo twiwi thanao mamla rikha bike khokjaknai Anurag saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
