Bangladesh ni simi ari twi haste o rohinga habwi tog mani pati mwng haste o tei hakotor o sal brum brum no pati mwng pati tong kha, tang salo bharat hapang ni mantranaloi ni sep bai haste hapang ni sarastra tang bedek ni luajimung bai songsa jak mani panda o ah kok rok no tisai khuna rwkha haste ni sarastra sachib Pradip kumar chakraborty.
Tang salo haste ni guest house o haste hapang ni sarastra tang bedek ni luajimung bai kwchug thai ni naikolnai rok no twi koksalai mwng panda songsa jakha, bharat hapang ni mantranaloi ni sep bai songsa jak mani ah achuglai mwng ni panda o phawi manjak phai kha bharat hapang ni mantranaloi ni sachib Ankan benarjee, haste hapang ni sarastra tang bedek ni sachib Pradip kumar chakraborty, haste police ni DGP ni lgoi haste tei kendra hapang ni kwbang naikolnai rok.ah kok salai mwng o haste hapang ni sarastra sachib Pradip kumar chakraborty sakha, kwbangma pati mwng no twi kok salai laikha, abo ni bising o pass port,business tei tourism no twi kok salai kha,sarasra sachib teibo sakha, bangladesh ni simi rohinga illegally lama twi khwlawi haste o habwi tong kha, haste ni simi hakotor ni dal bidal hasye o samwng ni bagwi thangwi tong o.rohinga rok illegally lama bai simi hasye o ya, hakotor o bo thangwi tong kha, abo hai pati mnng no twi wansuk nani nang nai hwnui sakha bo.
achuglai mwng o bharat hapang mantranaloi ni sachib Ankan benarjee sakha, Tripura kendriya hapang ni kaisa nangkuk mani anchal, bini nok pachimbanga o phano Tripura no bo kaham khe no sini o hwnui sakha. ah koksalai mwng panda o haste hapang ni social welfare tei social education tang bedek ni okra naikol nai Tapan kumar das,medical education ni naikolnai Dr.HP sarma.bharat hapang mantranaloi ni under secretary Rushal Garg bo kok narugmani nukjakha.
