Agartala city no sap sutra tei manwi kosok hamya ni yak kakjak khwlainani bagwi sak tharwi samung khwlaiwi tongo saphai khwlainai sebok rok. Municipal corporation ni kwbangma ward oh 3 thousand saphai khwlainai rokno tichokjakha. Oh saphai khwlainai sebok rokni langma no safety khwlainani bagwi tangsalo Agartala municipal corporation ni luajimung bai Agartala townhall oh Safai Mitra Protection Camp songchajakha. Asalni panda no phiyogwi rikha Agartala municipal corporation ni mayor eba MLA Dipak Majumder. Asalo bono karwi bo manjakha Agartala municipal corporation ni deputi mayor Manika Das Datta, Commissioner Shailesh Kumar Yadav, kwbangma ward ni corporator no khobui AMC ni kubini adongrok. Asalni panda oh kok narukna thangwi mayor eba MLA Dipak Majumder sakha, Agartala city no sap sutra tei hamya manwi ni yak kakjak doly swnamnani bagwi lengphwlaya samung khwlaiwi tongo saphai khwlainai rok. Aboni bagwi agartala oh swkangni sai belai no swlaijakha. Aboni logi mayor teibu sakha, Agartala municipal corporation sak tharwi samung khwlaimani bagwi no kendra haphang ni bwkhak twi waire wai no sokat mankha. Aboni joto criedit thango saphai khwlainai rokni. Aboni bagwi no saphai khwlainai sebok rokni safety ni bagwi Safai Mitra Protection Camp songchajakha hinwi sakha mayor eba MLA Dipak Majumder.
Asalni panda oh kok narukna thangwi municipal ni Commissioner Shailesh Kumar Yadav sakha, saphai khwlainai sebok rokni safety ni bagwi Agartala municipal corporation kaisa sakham nog chengsanai. Abono naikolnai National Health Mission tei Health Department. Sakham nog chengsajakhe borokni bagwi kaisa health card swnamjaknai. Health card ni bising twi saphai khwlainai sebok rokni nukhungni borok rokni bagwi bo sak naijaknani bagwi sep sap tongnai.
