Telangana ni Governor ungwi chonghor jak kha Tripura ni kwcham yakchu montri okra Jishnu debbarman, cha sal ni horo bharat ni borom gwnag president Jishnu debbarman no Telangana ni Governor chonghorwi rwkha, CP Radha krishnan asuk sal romwi Telangana ni Givernor ni naikol mwng o tong mani, bono ah thai ni simi norwi tabuk bo Maharastra ni barja yapharwi rwjakha, abo no karwi bo punjab, rajasthan,sikkim, chatroshgarh ni logi dal bidal haste ni Governor swlai jak kha, sathai kwlai o Jishnu debbarman haste BJP ni adong hwnui sini mwng manjak, 2018 bisi o chorilam bidhan sabha kendra ni simi BJP ni MLA ungkha, phiya ba MLA ungnani sakwng ni simi no yaksi montri okra gosimwng rwmani BJP. 2023 bisi ni bidhan sabha chongmari o Jishnu debbarman chorilam bidhan sabha kendra ni simi mechen kha, phiya ba abo ni ulo phano pradesh BJP ni logi kendriya naikolnai rok ni thani borom no manwi thangkha, koktwma o sai makha, Tripura ni kwcham montri okra eba dagiphang Biplab kumar deb ni recommendation ni bagwi no Jishnu debbarman no taklai Telangana haste ni Governor khwlai jak kha. phiyaba Jishnu debbarman Telangana ni Governor ung mani kokwtma awai ungkhe no haste ni loku rok ni bising o tongthoklai mani nukjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
