Liver no kaham ton nani bagwi joto ni sak nono kaham khe ton nani bagwi kobok mwng khwlai kha agartala pura nigam ni mayor eba MLA Dipak majumdar, kokti salo World Hepatitis Day no kitingwi rajakhor aguli o songsa jak mani kaisa rally o phawi abo hai khe no khuk kengkha mayor Dipak majumdar. 28 july sal mari o nobel man nai sak naikolnai Dr.Baruch Blumberg ni achaima sal. bo hepatitis B virus discovery khwlaikha, abo ni bagwi World Health Organization eba WHO motha bisi brum brum 28 july salmari o World Hepatitis Day palai lai oh. taklai bisi o kokti sal eba 28 july salmari o joto hayung gwnagui palai jak tong kha World Hepatitis Day.ah sal no kitingwi rajakhor aguli o kokti salni phung o rajakhor aguli o sak thar mwng rally songsai rwkha Hepatitis Foundation of Tripura. ah rally rajakhor aguli ni ujjyanta prasad ni simi chengwi aguli ni dal bidal lama berai lai kha, ah rally o phawi manjak phaikha agartala pura nigam ni mayor eba MLA Dipak majumdar, ah salni panda o kok narugna phuru mayor eba MLA Dipak majumdar sakha, joto hayung gwnagui bisi brum brum 1.3 million borok hepatitis virus bai choprob jagwi thwi o.chini haktor o bo kwbang loku rok no ah bemar bai choprob jagwi langma chomani kokwtma nukjago. chini joto ni no nahar mwng sak no kaham ton nani nang nai.bo teibo sakha agi rogo liver bemar choprob khe haste ni loku rok no sak naikol mwng nibagwi phatar haste o thang nani nang o, phiya ba tabuk haste hapang ni kaham sep bai haste o no saknaikol mwng khwlai mano. ah salo Hepatitis Foundation of Tripura ni bwkhak twi songsa jak mani rally o phawi manjak phai kha haste ni Health Officer Dr.Sanjib debbarma,Hepatitis Foundation of Tripura ni haste achugphang Dr.LN.Bhowmik,tangphang Dibakar debnath ni logi dal bidal motha ni samwng khwlinai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
