Phainai panchayat chongmari no bwskango toniwi Khowai ni kwbangma gram panchayat amchai oh BJP bodol ni kokpirmung chengsajakha. Salbrom no gram panchayat, panchayat samiti tei zela porisad ni batainai rokni bagwi nog brom brom kokpirmungo ongkhorwi tongo BJP bodol ni sipai rok. Chasalo Khowai RD Block bai khobjak Madhya Singichara gram panchayat ni 3, 4 tei 5 no ward amchai ni nog brom brom kokpirmungo ongkhorkha BJP ni sipai rok. Asalni kokpirmungo manjakha Khowai panchayat samiti ni 6 no ward oh BJP ni wngwi batainai Tinku Bhattacharya, Zela porisad oh 4 no ward oh BJP ni wngwi batainai Aparna Singha Roy, BJP Khowai mondal committee ni vice-president Pranab Biswas no khobui kubuni adongrok. Asalo kokpirmungo ongkhorwi BJP Khowai mondal committee ni vice-president Pranab Biswas sakha, kokpirmungo lukorog ni supports kaham no manwi tongo. BJP haphang hamkrai ni samung khwaimani bagwi no lukorog BJP ni logi tongo hinwi sakha bo. Aboni logi bo teibu sakha, phainai chongmari oh BJP ni wngwi batainai rok kwbangma vote manwi kwplai wngnai hinwi. Asalo BJP ni bwkhak twi sawi mankha, nog brom brom kokpirmung paimani yagulo chongmari oh batainai rokno twiwi nokhola panda songchajaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
