Phasalo Kargil Bijoy Diwas ni 25 bisi sal pungsakha. Abono kitingwi no asalo Ladakh ni Kargil War Memorial oh khom riwi borom yapharkha montri bokhorok Narendra Modi. Aboni yagulo Pakistan no kwrak warning rikha. Aboni yagulo bo teibu sakha, Pakistan laithangjak salni patimungno nogwi bo mungsa swrwngya. Joto terrorist rokni hamla khwlaimano failed khwlaiwi rinai chwng. Laithanai 25 bisi swkang Kargil choba oh sahid wngnai rokno kholomung yapharkha montri bokhorok. Aboni logi Modi teibu sakha, ang terrorist rokni sardar no sana muchungo je, borokni chaitokmung kono dino fulfil wngya. Terrorist rok no je nangmani jobab rinai. Jammu & Kashmir ni hamkrai oh kebengnai rokno challenge khwlaiwi mechenwi rinai Bharat hakotor. Borok Terrorism tei Shadow War no use khwlaiwi tongo. Ang tini abohai kaisa thai ni simi kok sawi tongo je, terrorist rok kaham khe no ani kok no khwnawi manai. Ang borokno kok sana muchungo, borokni chaitokmung kono dino fulfil wngya. Ladakh phano wngthung eba Jammu & Kashmir phano wngthung chwng hamkrai ni samung khwlaiwi no thanai. 5 august 370 act no batil khwlaiwi rikha, aboni logi tabok Jammu & Kashmir ni hamkrai ni bagwi bwskango agugwi tongo borok.Infrastructure tei tourism sector belai no nukjagwi tongo. Phainai salo Kashmir oh Cenema Hall kholokjaknai. Srinagar oh bisi kolokma ni yagulo Shia community ni lukorog Takiya palaikha. Asalni phungo Kargil War Memorial oh thangwi sagwikha montri bokhorok. Aboni sai swkang Narendra Modi social media oh swikha, Kargil Bijoy Diwas joto Indian rokni bagwi kaisa nangkukmani sal. Aboni logi bo teibu sakha, chini hakotor no jerok safety khwlaiwi tongo, borokno chwng joto no kha kaham yapharu. Shinkun La Tunnel projects ni samung bwtang bo cholinani chengkha. leh-bai thanglaisu khwlainani bagwi kaisa project ni yapri naharjakha. Sahid wngnai rokni bihik sngnai bai bo kok sakha bo. Abono karwi bo Shinkun La Tunnel Project oh puila blust khwlairikha. Shinkun La Tunnel Project 4.1 Kilomiters kolok tei Twin tube tunnel bai swnamjakha. Oh tunnul swnamjakphuru khe bisi brom brom no Leh Valley oh thangwi manai lukorog. Oh tunnel Himachal Pradesh ni Lahul valley ni twi khe Ladakh ni Zanskar Valley oh thangwi panai. Srinagar-Jojila-Kargil-Leh tei Manali-Atal Tunnel-Sarchu-Leh oh kainwi valley twi khe Leh oh thangwi mano. Phiyabha oh tunnel kwtal swnamjekhe thanglaisu khwlainani bagwi belai no kwlai wngnai hinwi saimankha. Asalo Kargil choba ni sahid bir sngno borom yapharkha kendra ni defence minister Raj Nath Singh bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
