27 July eba Chasalo hakotor ni kwcham president bharat ratna Dr. APJ Abdul Kalam ni mwtai chama sal palaijaknai. Kubuni bisi ni hai khe no takwlai bisi oh bo belai no borom riwi oh salno palainani bagwi yapri naharkha BJP ni All India Minority Morcha Committee ni adongsng. Chasalo hakotor rwgwi no palaijaknai oh sal. Aboni logi haste oh bo oh salno palainani bagwi yapri naharkha BJP pradesh minority morcha ni sipai rok. Chasalo Dr. APJ Abdul Kalam ni mangpili oh khom riwi borom yapharjaknai. Bini langma ni laibuma no twiwi kok salainai nogorai rok. Phasalo BJP ni haste ni tangnogo kaisa kokthum panda khwlaiwi abohai no sakha pradesh BJP ni minority morcha ni president Billal Mia. Aboni logi bo teibu sakha, hakotor ni kwcham president Dr.APJ Abdul Kalam ni mwtai chama salno kitingwi phainai 12 august ni salmari eba National Youth Day ni salo hakotor ni dalbidal pradesh oh sikla rokni yakumu no nasigwi Abdul Kalam Award rinani yapri naharkha BJP ni hakotor rwk minority morcha ni ojama sng. Sabo sabo oh award manai borokni mung phainai 6 july ni salmari oh saijaknai. Asalo kokthum panda oh manjakha BJP Pradesh minority morcha ni president Billal Mia, vice president tei salthang hangkhor ni minority morcha ni president no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
